O Blog de Editorial Galaxia

Posts tagged lume de cobiza

Mar 2

LUME DE COBIZA en Ribadavia

Autor: administrador | | Tags: , | Categorías: Novidades | Deixa un comentario

Domingo, ás 13:00 h, no IES de Ribadavia

Domingo pola mañá pode ser unha máis que boa hora para escoitar falar de libros, de detectives, e dunha das novelas de máis éxito dos últimos anos no noso sistema literario e da que vimos de tirar a segunda edición.
Así, o escritor Miguel Anxo Fernández [...]

Xan 19

Para falar de LUME DE COBIZA

Autor: administrador | | Tags: , | Categorías: Animación á lectura | Deixa un comentario

Venres 20 de xaneiro, ás 10:00 h, na Facultade de Ciencias Sociais e da Comunicación de Pontevedra

O escritor Miguel Anxo Fernández terá un encontro cos alumnos de Comunicación Audiovisual de Pontevedra para falarlles da súa novela Lume de cobiza. Unha boa ocasión para parolar co autor dun dos grandes éxitos da tempada literaria.

Xan 10

‘Lume de cobiza’ no Sete Vidas de xaneiro

Autor: administrador | | Tags: , | Categorías: Animación á lectura | Deixa un comentario

Hoxe celébrase a sesión de xaneiro do club Sete Vidas centrada na lectura da novela Lume de cobiza do escritor galego Miguel Anxo Fernández. A cita será a partir das 20.00 horas na Biblioteca Municipal de Gondomar.
O autor da novela, Miguel Anxo Fernández, achegarase á biblioteca a partir das 21:00 horas para falar cos lectores [...]

Dec 29

Fotogalería da conversa entre Miguel Anxo Fernández e Ángel de la Cruz

Autor: administrador | | Tags: , | Categorías: Álbum de fotos | Deixa un comentario

Hai uns días celebrouse na Galería Sargadelos de Ourense arredor de Lume de cobiza, a novela de Miguel Anxo Fernández. A conversa foi entre el e Ángel de la Cruz, o director de cine que levará o libro á gran pantalla. Como moderador actuou o xornalista Xosé Manoel Rodríguez.

Dec 19

Lume de cobiza

Autor: administrador2 | | Tags: , | Categorías: Xeral | Deixa un comentario

 
Mañá martes o escritor Miguel Anxo Fernández terá un encontro cos alumnos de galego de Publicidade na Facultade de Ciencias Sociais e da Comunicación de Pontevedra para falarlles da súa novela Lume de cobiza.

Dec 16

Frank Soutelo xoga na casa (ou O vicio de ler)

Autor: administrador2 | | Tags: , | Categorías: Críticas literarias | Deixa un comentario

 
Así titula Lorena Domínguez Mallo a súa crítica da novela Lume de cobiza, de Miguel Anxo Fernández, publicada no soportal LG3, do Consello da Cultura Galega.
Velaquí a podedes ler.

Dec 14

Presentación de LUME DE COBIZA en Ourense

Autor: administrador | | Tags: , | Categorías: Novidades | Deixa un comentario

Xoves ás 20:30 h na Galería Sargadelos

Siguen as roldas de presentacións arredor do libro de Miguel Anxo Fernández, ‘Lume de cobiza’. Desta volta será en Ourense e baixo da forma de conversa entre Ángel de la Cruz (director de cine, 2 premios Goya) e o propio Miguel Anxo Fernández.
O encargado de moderar o debate será [...]

Nov 11

Sinatura de Miguel Anxo Fernández en Compostela

Autor: administrador | | Tags: , | Categorías: Xeral | Deixa un comentario

Hoxe venres, ás 19:30 h, na librería de El Corte Inglés de Santiago de Compostela

O escritor Miguel Anxo Fernández asinará exemplares da súa última novela, a exitosa Lume de cobiza, e do resto da súa obra.
Con este motivo La Voz de Galicia, edición Santiago, publica hoxe esta entrevista con el.

Nov 4

Nova edición de LUME DE COBIZA nas librerías

Autor: administrador2 | | Tags: , | Categorías: Xeral | Deixa un comentario

Desde a súa saída a finais de abril, a cuarta entrega das aventuras do sabuxo Frank Soutelo alcanza a 3ª edición

Que o sabuxo norteamericano de pais galegos, Frank Soutelo, goza da simpatía dos lectores galegos, confírmase coa aparición da 3ª edición da novela LUME DE COBIZA, a cuarta entrega das súas peripecias, nesta ocasión ambientada [...]

Out 10

Frank Soutelo por terras galegas

Autor: administrador2 | | Tags: , | Categorías: Críticas literarias | Deixa un comentario

 
Así titula o crítico literario Armando Requeixo o seu comentario sobre a novela Lume de cobiza, de Miguel Anxo Fernández.
Podédelo ler, no seu blog Criticalia, premendo aquí.

A opinión de

    Víctor F. Freixanes

    30/06/15

    Víctor F. Freixanes
    Nova cita en Trasalba

    Leo todos os sábados a meu amigo Miguel-Anxo Murado. Onte falaba nestas páxinas dos castiñeiros, e citaba a don Ramón (para nós, don Ramón é sempre don Ramón Otero Pedrayo, non hai outro) que dicía que para el o castiñeiro era unha árbore románica. Hai unhas semanas falaba da casa de Rosalía de Castro, en Padrón, e citaba a figueira. «A figueiriña que prantei?», nos versos da autora. Figueiras e castiñeiros, dos que tamén gustaba Castelao: as vellas caracochas, cargadas de experiencia e misterios. O de Pondal, xa se sabe, eran os pinos. A cerna do carballo é máis ben da xente do interior: Noriega Varela, Crecente Vega, Manuel María? Cunqueiro amaba as abidueiras, o bosque de ribeira? Está ben isto de poñer unha árbore ou unha flor á poesía. As rosas son renacentistas. Os modernistas cantaban os nenúfares. Os románticos, as camelias.

    Un ano máis volvemos a Trasalba, a casa grande de don Ramón, para celebrar a plenitude da primavera, cargada de enerxía, e as candeas dos castiñeiros inzan de perfume os soutos de Cimadevila. Nesta ocasión, homenaxeamos a un veciño destas terras: o pintor Antón Pulido Novoa (Bóveda de Amoeiro, 1944), a quen entregamos hoxe o premio Trasalba, que vai pola XXXIII edición. ¡Trinta e tres anos convocados pola memoria do Patriarca! O escultor Manuel Buciños deseñou a figura en bronce do autor de Os camiños da vida, Arredor de si, A lagarada, símbolo daquel pulo irrepetible que foi a Xeración Nós (Castelao, Vicente Risco, Florentino López Cuevillas?), na cal representamos o recoñecemento á persoa premiada. Ata hai pouco o agasallo era unha xerra ou deseño de Isaac Díaz Pardo, mais desde que que este nos deixou dispoñemos da xenerosidade de Buciños.

    Non é a primeira vez que o digo. Na xeografía simbólica da cultura galega hai dous espazos que teñen unha significación especial: a casa de Rosalía de Castro en Padrón, que simboliza o Rexurdimento das nosas letras no século XIX: Eduardo Pondal, Manuel Curros Enríquez, Manuel Murguía, Valentín Lamas Carvajal , capitaneados pola autora de Cantares gallegos; e a casa de Otero Pedrayo en Trasalba, memoria de Xeración Nós, sen dúbida o grupo que con máis ambición, intelixencia e xenerosidade construíu un proxecto de futuro para a nosa cultura, con identidade propia, sen dependencias nin complexos: Galicia, célula de universalidade, en certo modo un segundo Rexurdimento. Estes dous espazos deben ser considerados dous territorios simbólicos a manter (coa máxima dignidade) e a visitar. Hai outros, afortunadamente. Pero nestes habita unha forza especial, unha enerxía oculta que Murado representaba na figueira rosaliana e eu evoco no perfume dos castiñeiros.

    Ramón Otero Pedrayo foi o primeiro padriño de Antón Pulido, autor do texto que presentaba en Ourense unha das primeiras exposicións do pintor de Bóveda de Amoeiro. Saudaba daquela a presenza dun rapaz novo (28 anos), que empezaba, e saudaba en certa maneira o pulo dos novos tempos, no que tanta esperanza poñía. Enerxía e esperanza, que tanto necesitamos.

Os artigos de

Tamén podes ler

Revista de prensa

A recomendación de...

Malores Villanueva

O meu pesadelo favorito

Posts recentes

Posts popular

  • None found

Últimos Comentarios