O Blog de Editorial Galaxia

Posts tagged a praia dos afogados

Mar 15

‘A praia dos afogados’ nominada aos Mestre Mateo

Autor: administrador | | Tags: , | Categorías: Premios | Comments Off

A adaptación cinematográfica da novela de Domingo Villar opta ao premio na categoría de Mellor Longametraxe

Onte, a Academia Galega do Audiovisual deu a coñecer os nominados, nas distintas categorías, aos Premios Mestre Mateo deste ano. Na categoría de Mellor Longametraxe, a película producida por Foresta Films, Milou Films e Tornasol Films, [...]

Xan 7

Sétima edición para A PRAIA DOS AFOGADOS

Autor: administrador | | Tags: , | Categorías: Novidades | Comments Off

O libro de Domingo Villar leva xa vendidos, en galego, 38.000 exemplares

Estes primeiros días de xaneiro van chegando ás librerías a sétima edición dun dos supervendas da literatura galega de todos os tempos como é ‘A praia dos afogados‘ de Domingo Villar. Ademais do éxito sen discusión en galego, a obra goza [...]

Out 9

Estrea de A PRAIA DOS AFOGADOS

Autor: administrador | | Tags: , | Categorías: Cine | Comments Off

A Praia Dos Afogados - TRAILER galego from Tornasol Films on Vimeo.
A película de Gerardo Herrero baseada na novela de Domingo Villar chega esta fin de semana aos cines de toda España.
Será hoxe venres cando A PRAIA DOS AFOGADOS chegue aos cines de toda España.
Aquí queda o tráiler oficial da versión galega.

Out 1

Domingo Villar e Sérgio Tannus no máis alto do Taboleiro do Libro Galego

Autor: administrador | | Tags: , , , | Categorías: Revista de prensa | Comments Off

Xa é un clásico empezar o mes lendo o Taboleiro do Libro Galego que o crítico literario Ramón Nicolás elabora no seu blogue Caderno da crítica e que recolle os libros máis vendidos do mes anterior.
Hoxe publica o seu Taboleiro que referencia as vendas máis notables do mes de setembro e, na categoría de Adultos [...]

Out 1

Fotogramas de Leo Caldas

Autor: administrador | | Tags: , | Categorías: Cine, Revista de prensa | Comments Off

Coincidindo coa inminente estrea da película A praia dos afogados, baseada no libro de Domingo Villar, o Faro da Cultura dedica hoxe a súa páxina principal á película nun traballo de Héctor Paz Otero que podes ler premendo sobre a imaxe.

Abr 17

Comezan os Roteiros de ‘A praia dos afogados’

Autor: administrador | | Tags: , | Categorías: Animación á lectura | Deixa un comentario

Participan máis de 1000 rapaces de ensino medio nesta actividade organizada por Galaxia

Hoxe dan comezo os Roteiros que a nosa editorial organizou arredor da novela de Domingo Villar, ‘A praia dos afogados‘. En termos xerais, van participar nesta actividade que vai permitir coñecer os escenarios onde se desenvolve a novela, algo máis [...]

Feb 9

Décima edición para ‘Ollos de auga’

Autor: administrador | | Tags: , , | Categorías: Novidades | Deixa un comentario

A primeira historia do inspector Leo Caldas bate marcas de lectores

O ano comezaba coa chegada ás librerías da décima edición de ‘Ollos de auga’, a primeira das obras protagonizadas polo xa máis que famoso inspector Leo Caldas, nacido da imaxinación do escritor vigués Domingo Villar. Dende o momento primeiro da súa saída, [...]

Xan 20

A PRAIA DOS AFOGADOS na gran pantalla

Autor: administrador2 | | Tags: , | Categorías: Revista de prensa | Deixa un comentario

Soledad Antón anuncia hoxe na súa “Mirilla” de La Voz de Galicia que probablemente antes de fin de ano se poderá disfrutar da versión cinematográfica de A praia dos afogados, de Domingo Villar.
Velaquí podedes ler o seu artigo.

Mai 23

Dobre recoñecemento para Domingo Villar

Autor: administrador | | Tags: , , | Categorías: Premios | Deixa un comentario

Premio Frei Martín Sarmiento e finalista do Dagger Prize británico 2011

Esta fin de semana foi especialmente feliz para o escritor Domingo Villar e concretamente para a súa novela ‘A praia dos afogados‘. O venres recibía o Premio Frei Martín Sarmiento, un galardón que outorgan os escolares de Galicia, neste caso na categoría de adultos, ao [...]

Abr 13

‘A praia dos afogados’ en inglés. Ecos na prensa galega

Autor: administrador | | Tags: , | Categorías: Revista de prensa | Deixa un comentario

Hoxe a prensa galega faise eco da edición en inglés do libro de Domingo Villar, ‘A praia dos afogados‘.
O xornal Galicia Hoxe confirma a Villar como ‘o primeiro best-seller que escribe en galego’. Xornal de Galicia, pola súa banda, enmarca esta tradución no marco doutras moitas que na lingua saxona xa se poden ler de [...]

A opinión de

    Celia Díaz Nuñez

    13/06/16

    Celia Díaz Nuñez
    Literaturizar a historia

    A literatura e a historia son vellas coñecidas e establecen relacións proveitosas para ambas: a literatura reflicte a historia e a historia contémplase nas obras literarias. A literatura, en canto testemuño da sociedade, proporciona información relevante acerca dunha época concreta: as crenzas, os costumes, a mentalidade, os valores, os modos de vida… A historia, á súa vez, é a inspiración da que naceron moitas das grandes obras da literatura universal. Poesía, teatro e, sobre todo, narrativa atopan fértil materia literaria nos acontecementos que viviu a humanidade desde o comezo dos tempos. E non hai dúbida de que a novela histórica é un xénero que goza hoxe dunha extraordinaria vitalidade, tamén na nosa literatura.

    Malia esta interrelación entre historia e literatura, moi distintos son os obxectivos que procuran. Mentres o historiador pretende reconstruír o pasado a partir de datos obxectivos analizados e contrastados, o escritor ou escritora converte en ficción literaria as informacións que o rigor histórico lle proporciona e recréaas libremente para transmitir a emoción da que carece o texto erudito.

    Unha característica principal da novela histórica é a esixencia de verosimilitude. Para que o imaxinado teña aparencia de realmente acontecido cómpre levar a cabo unha exhaustiva documentación acerca do período e o espazo nos que se sitúa a narración. A xeografía, a economía, a alimentación, o vestiario, as actividades de lecer, as crenzas, a onomástica… son coñecementos que poden obterse a través de documentos históricos, arqueolóxicos, epigráficos ou iconográficos.

    A tradición oral proporciona igualmente informacións valiosísimas, por moi inverosímiles ou contraditorias que resulten ao comparalas coas recollidas de fontes científicas. As lendas ou os romances achegan aquilo que a fantasía do pobo transmitiu de xeración en xeración, son materia viva que merece un lugar preeminente no texto literario.

    Mais o importante e fundamental, como en calquera novela, é a creación duns personaxes con alma, con vida interior. Criaturas de ficción que van medrando paseniño e transmiten os soños, os conflitos, os temores, as arelas, as decepcións, as traizóns, as anécdotas e peripecias do seu vivir cotián. A presenza na narración de personaxes reais esixe respecto á veracidade e rigor histórico. Mais, ao mesmo tempo, o novelista pode imaxinar os seus pensamentos máis íntimos e tamén pode permitirse determinadas licencias e atribuírlles estes ou aqueles trazos froito da súa fantasía.

    Dotar de vida e autenticidade os personaxes, recrear a atmosfera na que ocorren os acontecementos, construír unha trama ben elaborada e transportar o lector a tempos afastados son os difíciles retos aos que se enfronta o escritor de novela histórica. Se o consegue, construirá un relato ameno e accesible, fonte de coñecemento e tamén do goce estético que a literatura ofrece.

    Non é tarefa doada, pero si apaixonante.

Os artigos de

Tamén podes ler

Revista de prensa

A recomendación de...

Ramón Nicolás

A identidade fascinada

Posts recentes

Posts popular

  • None found

Últimos Comentarios