O Concello de Allariz, Editorial Galaxia e a librería Aira das Letras organizaron o pasado luns unha xornada de homenaxe a Xosé Neira Vilas no 50 cabodano da publicación de Memorias dun neno labrego na que tivo encontros con varios clubes de lectura e grupos de alumnos da vila.

Deixamos aquí algunhas imaxes da xornada.

Velaquí vos deixamos unhas imaxes dese acto.

Podédela ler premendo aquí.

No novo número da revista GRIAL reproducimos as palabras pronunciadas por Xosé Neira Vilas no Cemiterio de Boisaca de Santaigo, o 6 de xaneiro pasado nas exequias por Isaac Díaz Pardo. Polo seu interese deixámolas para descargar, en formato PDF aquí.

Chega o Día das Letras Galegas e, con el chega tamén a obra, certamente monumental (en contidos, en profundidade, mais tamén en extensión) que Valentín Paz-Andrade dedicou á figura de Castelao e que titulou ‘Castelao na luz e na sombra‘.
A obra vira a luz no xa afastado 1982, cando Paz-Andrade xa tiña máis de oitenta anos e despois de anos de traballo entregado a unha investigación minuciosa e chea de rigor co obxectivo xa non só de presentarnos un Castelao o máis completo posible senón, como o mellor historiador faría, aproveitando a figura do rianxeiro para explicarnos unha época e as angueiras vitais de toda unha xeración irrepetible.
Editorial Galaxia publica este libro dentro da colección Grandes Biografías destinada a achegarlle ao gran público as vidas dos grandes persoeiros que fixeron este país tal e como o entendemos hoxe e sen os que, sen dúbida, non seriamos quen somos.

Así titulan no blogue Brabádegos. Portal de literatura infantil e xuvenil, a reseña crítica arredor do novo libro de Pinto & Chinto, Os Xogos Olímpicos de Ningures que hai nada publicamos na nosa colección Árbore.

Podes ler a nota completa aquí.

O Consello da Cultura Galega organiza este segundo concerto “Día das Letras Galegas” que contará coa Real Filharmonía de Galicia dirixida por Maximino Zumalave e acompañada pola Coral Polifónica e o Coro do Conservatorio Profesional “Manuel Quiroga” de Pontevedra. Na sesión estrearanse as obras “Cantata das cantigas”, de Roxelio Groba, e “Caderno de bitácora de Valentín Paz Andrade”, de Juan Durán. A entrada será libre ata completar a capacidade do auditorio.

Nun acto para os medios de comunicación presentamos este libro con textos de Fina Casalderrey e Francisco Castro, ilustrado por Patricia Castelao. Ademais dos autores e a ilustradores van intervir Pilar Sampil, xerente de Editorial Galaxia, e Manuel Sández Macho, presidente de UNICEF Galicia.