A modernización de Galaxia
 Carlos Casares
Entre as coleccións deste período sobresaen as de carácter infantil e xuvenil, Árbore e Costa Oeste, continuadoras de iniciativas pioneiras nos anos 60 e 70. De 1972 é a edición en galego de O principiño, tradución da obra de Saint-Exupéry realizada polo propio Casares, que podemos considerar iniciadora da actual liña de traducións de autores clásicos e contemporáneos ás nosas letras. Novos autores incorpóranse ao catálogo editorial en coleccións moi variadas que van dende a literatura e o ensaio a obras de referencia, dicionarios, gramáticas, material escolar, libros de texto, arte, xeografía, guías de viaxes e de natureza, poesía, economía, xornalismo, historia, etc. A "Biblioteca Básica da Cultura Galega" reuniu en 51 títulos o máis significativo da nosa historia e cultura.
En 1986 Alfredo Conde recibiu o Premio Nacional de Narrativa pola novela Xa vai o grifón no vento, editada por Galaxia, e despois Manuel Rivas, por ¿Que me queres, amor? (1996), Paco Martín, con As cousas de Ramón Lamote, coeditado por Galaxia e SM, foi Premio Nacional de Literatura Infantil e Xuvenil en 1986. Por primeira vez, autores en lingua galega, transcendían cos seus textos alén das nosas fronteiras.
|
 |
|
|
|
|
