Fundación Penzol
 Actual Padroado da Fundación Penzol
A Fundación Penzol constituiuse notarialmente o 7 de abril de 1963 e
inaugurou as súas intaslacións, en Vigo, o 5 de maio do mesmo ano co obxectivo de dotar a Galicia dun centro de estudos e documentación especializado en lingua e literatura galega. Os seus primeiros fondos proceden do mecenado do bibliófilo Fermín F. Penzol-Labandera que durante máis de corenta anos reuniu os máis variados folletos, libros, documentos, periódicos e revistas, cartas e material manuscrito referente á lingua e á historia de Galicia. Antes do seu falecemento fixo depositaria á Editorial Galaxia deste legado e a editora asumiu o seu mantemento. Na actualidade dispón dunhas amplas instalacións na Casa da Cultura de Vigo, froito dun convenio de colaboración co concello desa cidade. O seu director ata 2010 foi o escritor e fundador de Galaxia, Francisco Fernández del Riego. O actual director é Francisco Domínguez.
A actual composición do Padroado é como segue:
Presidente: Alfonso Zulueta de Haz
Vicepresidente Primeiro: Antón Vidal Andión
Vicepresidente Segundo: Xulio Souto Jiménez
Secretario: Andrés Dapena Paz
Director: Francisco Domínguez Martínez
Vocais: Xerardo Fernández Albor; Xulián Parga Rodríguez; Benxamín Casal Vila; Xoán Bernárdez Vilar; Xosé Luís Franco Grande (Real Academia Galega); Rosario Álvarez Blanco (Consello da Cultura Galega); Mª Dolores Cabrera Iglesias; Francisco Díaz-Fierros Viqueira; Pedro López Gómez; Manuel Meixide Vecino; Henrique Monteagudo Romero; Mª Dolores Villanueva Gesteira; Manuel Puga Pereira ; Mª del Carmen Pérez Pais; Xavier Martínez Cobas e Silvestre Gómez Xurxo.
|
 |
|
|
|
|
