Anxos Sumai
Anxos Sumai (Catoira, 1962) é documentalista, tradutora e escritora. Colaboradora de distintas publicacións nos anos oitenta e noventa, a súa actividade literaria desenvólvese na rede dende o ano 2001 no portal: culturagalega.org, onde tivo as seccións "Anxos e diaños", con Roberto Ribao, e "Anxos da garda". Colaborou na segunda etapa da revista Guía dos Libros Novos coa sección "Hemisferio Oeste" (2003-2004). Entre os traballos de tradución destacan os Diarios de Syra Alonso.
Como narradora publicou Anxos da garda (2003) e Melodía de días usados (2005), en Editorial Galaxia. Obtivo o Premio Novos Valores da Narrativa Galega en 1985 e o segundo Premio no XI Concurso de Narracións Curtas Modesto R. Figueirido do Pedrón de Ouro, en 1986. En 2004 foi Premio da Crítica Galicia. En 2007 gañou o Premio de Xornalismo Literario e de Opinión Roberto Blanco Torres polo seu espazo de opinión "Somos perigosamente normais", emitido semanalmente no Diario Cultural da Radio Galega durante o 2006. Actualmente traballa no Consello da Cultura Galega.
En 2007 recibiu o II Premio de Narrativa Breve Repsol YPF pola obra Así nacen as baleas, publicada por Editorial Galaxia, e o Premio á Autora do Ano concedido polos membros da Asociación Galega de Editores. Por este mesmo libro obtivo o Premio San Clemente, concedido por rapaces de diversos institutos galegos.
Obras de Anxos Sumai no catálogo:
- Melodía de días usados ISBN: 978-84-8288-809-5
- Así nacen as baleas ISBN: 978-84-9865-022-8
|
 |
|
|
 Recomendacho ...
- Xesús Constela
Eventos relacionados:
15/11/2007 20:30Presentación do II Premio de Narrativa Breve Repsol YPFNa Fundación Luís Seoane, A Coruña, ás 20.30 horas.
30/01/2008 20:30Literactúa con Anxos SumaiO mércores 30 de xaneiro, ás 20.30 horas, no Café Valle Inclán de Carballo.
20/02/2008 20:00Presentación de Anxos Sumai en SantiagoNa Fundación Torrente Ballester, o mércores 20 de febreiro, ás 20.00 horas.
04/11/2008 20:00"Así nacen as baleas" en Espazo LecturaMartes 4 de novembro, ás 20.00 horas, na Biblioteca Municipal de Gondomar
02/03/2009 20:00Anxos Sumai na Escola Oficial de Idiomas de VigoLuns 2 de marzo, ás 20.00 h, na Aula Magna da EOI de Vigo. Avenida Martínez Garrido, 17.
12/03/2009 19:00Entrega do Premio San Clemente a Anxos Sumai e Haruki MurakamiXoves 12 de marzo, ás 19.00 h, no IES Rosalía de Castro, Santiago de Compostela.
|
|
